PROJEKE YA TISSA E NTSENG E LEKWA
Na TISSA ena ke eng?
TISSA e emetse ?Telephone Interpreting Service for South Africa? (Tshebeletso ya Afrika Borwa ya ho Toloka ka Thelefounu). Tshebeletso ena e tla etsa hore baahi ba naha ya Afrika Borwa ba kgone ho fihlela ditshebeletso tsa mmuso ka dipuo tsa bona. Toloko ke yona e tla tlosa ditshitiso tsa dikgokahano, mme hoo e ho etsa ka thelefounu.
Ke mang ya nang le boikarabelo ba TISSA?
TISSA ke mosebetsi o sibolotsweng ke ba Tshebeletso ya Setjhaba ya Puo e ka hara Lefapha la Bonono, Setso, Saense le Thekenoloji (DACST), mme lefapha lena le e thusa ka ditjhelete ka kopanelo ke Lekgotla la Dipuo tsohle tsa Afrika Borwa (PANSALB). Kabinete e tjhaetse monwana tshebeletso ya teko ya TISSA ka 1998.
Ho tea mohlala, haeba wena le ngaka ha le utlwane ka baka la dipuo tsa lona, wena kappa ngaka e ka letsetsa nomorong e le nngwe e sa lefellweng e tla ho kopanya le ba setsing sa mehala (se tla ba Bloemfontein).
Setsing seo sa mehala, mohokahanyi wa mehala o tla ho hokela tolokong e tla kgona ho bua puo ya hao le puo ya ngaka.
Ngaka e tshwanetse ho ba le thelefounu e nang le sepikara, kappa ho be le dithelefounu tse pedi tse hoketsweng sokheteng e le nngwe, e le hore wena le ngaka le tle le kgone ho mamela toloko ka nako e le nngwe.
Ngaka e tla bua le toloko, e be yona e ho tolokela molaetsa oo.
O tla araba toloko e be yona e tolokela ngaka hore o ntse o reng.
Ke dipuo dife tse tla tolokwa ke ba TISSA?
TISSA e tla fana ka ditshebeletso dipuong tsohle tse leshome le motso o le mong tsa semmuso ekasitana le Puo ya Matsoho ya ditholo.
Ke dibaka dife tse lebeletsweng?
Diteishene tsa sepolesa
Dipetlele
Ditleliniki
TISSA e tla ba le seabo sa bohlokwa ntshetsopeleng ya ditokelo tsa puo, mme hoo ho tla kenyeletsa le ditokelo tsa botho, mona Afrika Borwa.
TISSA e tla ba le seabo sa bohlokwa kgothaletsong le tshebedisong ya dipuo tsohle tsa semmuso.
Taba ya tlhokeho ya mesebetsi e ka rarollwa, ka ha ke batho ba ka bang 40 ba nang le bokgoni empa ba hloka mesebetsi ba tla thaothwa bakeng sa tshebeletso ena, athe bona ba tla kgethwa hara ba entseng dikopo e be ba rupellwa ho ba ditoloko tse sebedisang dithelefounu.
Tshebeletso ya teko e tla thakgolwa dibakeng tse kgethuweng ka hloko tsa mahaeng le tsa ditoropong mona Afrika Borwa.
Tshebeletso ya teko ya TISSA e tla ba e fapaneng ka botlalo le tse ding ka ha e tla be e le ya ho qala ya mofuta wa yona mona Afrika!
TISSA e tla fumaneha ho tloha ka la 18 Tlhakubele 2002 ho ya fihla ho la 31 Mphalane 2002, ho tloha ka 08:00 (hora ya borobedi hoseng) ho fihlela ka 16:00 (hora ya bone mantsiboya), matsatsing a mahlano a beke, Mantaha ho fihlela Labohlano.
Ha teko ena, ka mora nako ya dikgwedi tse 8, e boheha e atlehile, tshebeletso e tla tswela pele e atoloswe hore e kenyeletse le dipuo tse ding, e sebetse dihora tse 24 ka letsatsi, matsatsi a supileng ka beke, mme e fumanehe thelefounung e nngwe le e nngwe e ka hara naha!
Bokamoso
Dintlha tse tla fumanwa tshebeletsong ena e ntseng e lekwa di tla re tsebisa hore na re ka etsa dikgothaletso tse yang Kabineteng bakeng sa tshebeletso e felletseng ho tloha mathwasong a selemo sa 2003.
Na o batla ho tseba haholwanyane?
Thelefounu: 401-2405
Molaodi wa Projeke ya TISSA: DACST
Tshebeletso ya Setjhaba ya Puo
Lefapha la Bonono, Setso, Saense le Thekenoloji
Thelefounu: 337-8075
Tokomane ena e fumaneha hape le ka dipuo tse ding tse 10 tsa semmuso.
